კლიმატზე ორიენტირებული კომუნიკაციისა და რეპორტინგის კონფერენცია 10-11 დეკემბერს ჩატარდება

კონფერენცია „კლიმატზე ორიენტირებული კომუნიკაცია და რეპორტინგი“ წარმოადგენს სამხრეთ კავკასიაში პირველ აკადემიურ და ანალიტიკურ პლატფორმას, რომელიც ეძღვნება კლიმატისა და სოფლის მეურნეობის საკითხების ზუსტ, მტკიცებულებებზე დაფუძნებულ მედია გაშუქებას და მის გავლენას ფერმერთა კეთილდღეობაზე.

კონფერენციაზე ქართულ რძის სექტორს ქართული რძის ნიშნის ფედერაციის წევრი ქეთევან ჩალახეშაშვილი წარმოადგენს თემით "მედიის ჩართულობა კლიმატზე ორიენტირებულ რეპორტინგში ადგილობრივი თემების, სასოფლო პროდუქციისა და სასოფლო ტურიზმის გაშუქების მიმართულებით".

ღონისძიება ემსახურება ჟურნალისტიკის რესურსცენტრის (JRC) ინიციატივის შედეგების შეჯამებას და წარდგენას, რომელიც განხორციელდა საქართველოში, სომხეთსა და აზერბაიჯანში და რომელიც ფოკუსირებულია კლიმატზე ორიენტირებული ჟურნალისტიკის, აგროკომუნიკაციისა და საგანმანათლებლო თანამშრომლობის გაძლიერებაზე უნივერსიტეტებსა და რეგიონულ მედიასაშუალებებს შორის.

აკადემიური პრეზენტაციების, სტუდენტური კვლევისა და სექტორულ დაინტერესებულ მხარეებთან პრაქტიკული დისკუსიების მეშვეობით, კონფერენციის მიზანია:

• კლიმატისა და აგრო თემების შესახებ რეპორტინგის საუკეთესო პრაქტიკისა და გამოწვევების იდენტიფიცირება;

• ინფორმირებული კომუნიკაციის სოციალურ-ეკონომიკური გავლენის შეფასება სასოფლო-სამეურნეო სექტორზე;

• განათლების, საზღვრისპირა თანამშრომლობისა და მედია პარტნიორობის როლის ხაზგასმა კლიმატისადმი მდგრადი განვითარების ხელშეწყობაში;

• კლიმატის ცვლილებთან დაკავშირებულ კომუნიკაციის საკითხებზე რეგიონული კვლევების წამოწყება;