სურსათის ეროვნულ სააგენტოში „ქართული რძის ნიშნის ფედერაციის“ წევრ კომპანიებთან შეხვედრა გაიმართა

შეხვედრა სურსათის ეროვნულ სააგენტოსა და ქართული რძის ნიშნის ფედერაციის წევრ კომპანიებს შორის დიალოგის ფორმატში წარიმართა. აღინიშნა,  რომ  ერთ-ერთ გამოწვევად კვლავ რჩება  არალეგალური  რძის გადამამუშავებელი წარმოებები, რომლებიც, გარდა იმისა, რომ  სურსათის უვნებლობის სტანდარტებს არ იცავენ, ასევე არაკონკურენტულ გარემოს ქმნიან  რეგისტრირებული ბიზნესოპერატორებისათვის. 

შეხვედრას სურსათის ეროვნული სააგენტოს უფროსის მოადგილე ვასილ კვერნაძე და სურსათის უვნებლობის დეპარტამენტის უფროსი ალექსანდრე ზურაბიშვილი ესწრებოდნენ. ვასილ კვერნაძემ ხაზი გაუსვა სააგენტოს მზაობას, ითანამშრომლოს ბიზნესსექტორთან ყველა იმ საკითხთან დაკავშირებით, რომელიც ხელს შეუწყობს ბაზარზე ვითარების გაჯანსაღებას. აქვე აღინიშნა, რომ მიმდინარე წელს სააგენტოს მიერ 30  არარეგისტრირებული  საწარმოა გამოვლენილი.